1. Lay bye yer jeers, ye menseless pack, Nor scorn puir Johnny 'hint his back What though he's gi'en the bell a crack,    An' spoilt its tone, Ye maybe ha'e made some mistak'    As weel as John. 2. He's wae, an' unco wae, aboot it, An' owre an' owre again he's viewed it - Oh, if Will Kid could ha 'e but glu'd it    Like a fir deal, Or Anderson, the tailor, sewed it,    It would be hale. 3. It was his pride, baith air an' late, To wap it at a dreadfu' rate, 'Till nei'bo'r Carnie, wast the gate,    His silence brak' Syne Johnny fear'd Kilsyth was beat    Whan Carnie spak'. 4. But folk s'ou'd use ilk lawfu' mean Tae mend a fau't whaure'er 'tis seen - Sae, wi' his specks drawn owre his e'en    Tae help his sicht, He fand the tongue, though glib an' keen,    Was rather licht. 5. He added length, he added wecht, Syne stripped like ane gaun in tae fecht, An' tae the tow, an' drew an' pecht,    Till foul a bit Carnie's great don, for a' his heicht,    Maun knuckle yet. 6. Here wad I like tae drap my story, An' leave Bell Johnny in his glory j Yet I maun say't, though unco sorry    The truth tae tell Wi' some hard skelp drawn in a hurry    He crack't the bell. 7. Weel, since it's gaen, e'en let it gae- Wha kens but it's been ordered sae ! There's ae thing clear, the de'il's a fae    Tae kirks themsel's Sae what conceit can Nickie ha'e    Tae hear their Bells? 8. Yet, mony a reverend lyart pow, Wha ne'er thocht muckle o' its jow, Is prood tae hear auld "lint an' tow" *    Resume his sang; I trust nae elf nor wirricow    Will do him wrang. * The Auld Kirk Bell. 9. But Johnny's sic a man o' merit, Blest wi' a great aspirin' spirit ; Wee auncient thing, he downa bear it,    Nor bide its knell There's some folk says he's gone deleerit    Aboot his Bell. 10. He ran tae Paisley like a hare, In hopes of information there How he the damage might repair    By operation :- What could an honest man do mair    In Johnny's station?
KILSYTH BELL
The Village of Chryston - North Lanarkshire - Scotland
Chryston
11. But how or what the creature did He for the maist pairt keepit hid, Though mony a clash an' rousin' whid    Gat ready vent The Bell his never yet got rid    O' its complaint. 12. He took the extra wechts awa' Afore he gaed the tow a draw ; Syne, up an' doon, wi' canny ca'    He steer't his haun ; Till, Guid preserve us, ane an' a' !    There's something fa'n. 13. While tuggin' at the tether en', Ae nicht as he was ringin' ten, Something played crash ! I dinna ken    Wha we can blame, For feckly a', but Nickie-Ben,    Were snug at hame. 14. The din was heard a mile an' mair, An' mony a ane was freichtet sair; Johnny cour't doun, in dark despair,    Tae say the creed; For thochts o' gettin' doun the stair    Were oot his heid. 15. Then hunners ran at ithers' heels, A set o' souple clever chiels, Fearless o' either ghaists or de'ils,    Till he was seen Sittin' in waefu' dishabille,    Yet ticht an' clean. 16. The crack was gaun a' through the toun How John had drawn the steeple doun - But weary fa' the faithless loon    Wha rais'd the lee ! It's staunin' yonner, hale an' soun',    As you can see. 17. 'Twas some back wecht aboot the Bell, Its proper use I canna tell, But Johnny could explain't himsel'    If he thocht fit; An' aye the mark o't, whaur it fell,    Is staunin' yet. 18. The news aboot the din an' skaith Is spread through toun an' kintra baith ; The rhymin' tribe, I'll gi'e my aith    Wi' youky crouns, Ha'e sharpet up their scribblin' graith    Tae write lampoons. 19. These deeds o' Johnny cou'dna please. But held the parish in unease, Till ane wha gravely oversees,    Did interfere. An' twin'd pair Johnny o' the keys    Oh, dear ! oh, dear !
[Kilsyth,   like   other   towns,   had   its   factotum,   an   important   functionary   who,   in   this   case,   thought   himself   accountable   for   the conduct   of   the   church   bell,   which   was   nearly   new.   Some   wicked   wags,   knowing   how   much   he   plumed   himself   on   the   new bell,   broadly   asserted,   with   the   intention   of   hurting   his   feelings,   that   Kirkintilloch   bell,   when   rung,   made   the   greater   noise. Determining   to   shut   for   ever   the   mouths   of   the   scoffers,   he   called   into   action   his   mechanical   knowledge,   and   increased   the weight   on   the   bell   to   such   an   extent   that   he   fractured   it. The   catastrophe   took   place   after   the   bell   was   a   few   months   up:   this poem   was   written   immediately   after.   Kirkintilloch   steeple,   the   "   Carnie   "   of   verse   three,   was   not   adorned   with   a   clock   and bell till several years after it was erected.]
Walter Watson
The Chryston Poet