My laddie is a country laird,    As fresh as youthfu' April's dawn, When silver showers refresh the braird,    That's thick'nin' o'er this fertile laun ; His face denotes a bosom leal,    His hamely tale delights my ear, I'll bid the noisy toun fareweel,    To rove the valleys wi' my dear.       Sae lichtsome is a rural life,       I'll haste tae be young Jamie's wife. The ploughman whistlin' on the hill,    The blackbird frae the hazel tree, The herdie's reed an' trinklin' rill    Gi'e music for my love an' me : His dairy neat my charge shall be,    Wi' skill his wealth I will improve, At nicht I'll meet wi' cheerfu' glee,    An' to my chamber lead my love.       Sae lichtsome is a rural life,       I'll haste tae be young Jamie's wife. In ilka joy he'll let me share    That animates his manly breast, An' if he's fash t wi' anxious care,    I'll lull his min' tae peacefu' rest The husband lark at morn will call    Again to tread the flow'ry swaird ; I'11 gi'e my haun, my heart, my all,    Tae this sweet boy, my country laird.       Sae lichtsome is a rural life,       I'll haste tae be young Jamie's wife.
THE COUNTRY LAD
The Village of Chryston - North Lanarkshire - Scotland
Chryston
Walter Watson
The Chryston Poet