Air - " Wat ye wha I met yestreen "? By Bothlan's lanely course I stray'd, Amang the sweets o' flow'ry June, To view the woodlan's weel array'd, An' hear the blithesome birds in tune. The crimson'd sun was near-haun' set, The moon look't up in siller guise.- The closin' gowan-taps were wet Wi' pearls frae the dappl'd skies. The mavis' sang sae pleased my ear, The lift an' flow'ry fields my e'e, A silent wish for Annie near, Was a' that care could crave o' me. Then keep thy tryst, my Annie dear, An' mak' me happiest o' men ; I'll set thee on the primrose fair, An' woo thee in Gartferry Glen. Soon did I meet my blithesome lass, The fairest lover in the grove, An' set her on the flow'ry grass, To tell her charms an' win her love. Night spread her mantle roun' oor den, I woo'd, nor did I woo in vain, For lang ere we rose up again, Sweet Annie hecht tae be my ain.
The Village of Chryston - North Lanarkshire - Scotland
Walter Watson
The Chryston Poet